Bizimyol.info xəbər verir ki, xidmətin mətbuat xidmətindən verilən məlumata gərə 14 dekabr tarixində Dövlət Sərhəd Xidmətinin Sərhəd Qoşunlarının “Göytəpə” sərhəd dəstəsinin Biləsuvar rayonunun Yuxarı Ağalı kəndi yaxınlığındakı sərhəd zastavasının xidməti ərazisində sərhəd naryadı tərəfindən 1 nəfər naməlum şəxs saxlanılın. Onun Azərbaycandan İran istiqamətində dövlət sərhədini pozması müşahidə olunub. Saxlanılan şəxsə sərhəd naryadı tərəfindən “dayan” əmri verilərək saxlanılıb.
İlkin araşdırma zamanı saxlanılan şəxsin Cəlilabad rayon sakini 1973-cü il təvəllüdlü İbrahimov Zahid Eldar olduğu məlum olunub.
Araşdırma zamanı Z.İbrahimovun 2018-ci ildə oğurluğa görə məhkum olunması və 2019-cu ilin iyun ayında vaxtından əvvəl şərti azadlığa buraxılması müəyyən edilmişdir.
