Dünyanı qorxuya salmış və artıq ölkəmizin də sərhədlərindən içəri girmiş koronavirus xüsusi qorunma tədbirlərinin alınmasını zəruri edir. İnsanların ən çox toplandığı yerlərdən biri olaraq məscidlər bu anlamda təhlükə mənbəyi ola bilər. Çünki namaz vaxtı istifadə olunan möhür, təsbeh, canamazlar onlarla insan tərəfindən istifadə olunur və dezinfeksiya edilmir.
Bizimyol.info xəbər verir ki, Qafqaz Müsəlmanları İdarəsi koronavirusla bağlı məscidlərə, məscid rəhbərlərinə və imamlara xüsusi tapşırıqlar verib. QMİ-nin tövsiyəsində bildirilir ki, insanlar müəyyən qədər sıx təmaslardan qaçmalı, gigiyenik tədbirlərə ciddi əməl etməlidirlər. QMİ həmçinin namaza gələn insanlara möhür və namaz xalçalarını özləri ilə evdən gətirməyi tövsiyə edir. “Bu tədbirlər adi haldan ajiotaj yaradılmaması üçün edilir”. Həmçinin bildirilib ki, Səudiyyə Ərəbistanı Ümrə ziyarətinin vaxtının dəyişdrilməsi ilə bağlı qərar qəbul edib və QMİ də bu qərarı alqışlayır.”Yəqin ki, havalar istiləşəndən sonra ziyarət yenidən bərpa ediləcək”.
Görülən təhlükəsizlik tədbirləri ilə bağlı Bakının ən çox ziyarət edilən məscidlərindən olan “Əjdərbəy” məscidindən (Göy məscid) Bizimyol.info-ya bildirildi ki, təhülkəsizlik tədbiri olaraq köhnə möhürlər yığışdırılıb, yeniləri ilə əvəz olunub. Ziyarətçilərə isə bildirilib ki, qrip olan şəxslər müsəlman bacı və qardaşlarını yoluxdurmamaq üçün əsla məscidə gəlməsinlər. Namaza gələn şəxslərdən maska taxmaları xahiş edilib. O ki, qaldı cümə namazlarının ləğv olunması məsələsinə, bu sualımıza cavab olaraq məscidin axundu qeyd etdi ki, karantin QMİ-nin deyil, dövlətin alacağı qərardır, gərək öncə avtobus və metro bağlana, ondan sonra insanların kütləvi toplaşdıı bütün tədbirlər ləğv edilə.
Həmçinin bildirilib ki, Səudiyyə Ərəbistanı Ümrə ziyarətinin vaxtının dəyişdrilməsi ilə bağlı qərar qəbul edib və QMİ də bu qərarı alqışlayır.”Yəqin ki, havalar istiləşəndən sonra ziyarət yenidən bərpa ediləcək”.
