Bazar günü ABŞ Prezidenti Donald Tramp sabiq dövlət katibi Hillari Klintonu dəli adlandırıb və eyni zamanda rusları sevdiyini deyib.
Bizimyol.info xəbər verir ki, “İnterfax”ın məlumatına görə, bu barədə Tramp tvitter hesabında yazıb.
O bildirib ki, Klinton konqresmen Tulsi Qabbardı Rusiyanın sevimlisi və Jill Steyni isə “Rus agenti” adlandırır: “Eşitdiyiniz kimi, mənim də Rusiya böyük sevgim olduğunu deyirlər. Əslində mən rus xalqını sevirəm. Mən bütün insanları sevirəm! Hillari dəlidir”.
Qeyd edək ki, T.Qabbard ABŞ Nümayəndələr Palatasının üzvüdür. J.Steyin isə 2012 və 2016-cı illərdə Yaşıllar Partiyasından ABŞ prezidentliyinə namizədliyini vermişdi.
