Avstraliyada ananın övladlarını avtomobilin içərisində unutması övladların həyatına son qoydu.
Yeniavaz.com xarici KİV-ə istinadən xəbər verir ki, hadisə Avstraliyanın Brisben şəhərində baş verib.Belə ki, Kerri Ann adlı ana "Mazda” markalı avtomobilini evinin həyətində saxladıqdan sonra iki övladını avtomobilin içərisində unudub və evə girib. Evə girdikdən sonra yuxuya gedən ana, oyandıqda övladlarını avtomobilin içərisində unutduğunu xatırlayıb. Dərhal, huşsuz vəziyyətdə olan uşaqları avtomobilin içərisindən çıxardaraq, onları soyuq su altına salıb. Heç bir nəticə vermədiyini görən ana, daha sonra təcili tibbi yardım çağırıb. Tibb işçləri əllərindən gələn hər şeyi etsələr də uşaqların həyatını xilas etmək mümkün olmayıb.
Faktla bağlı cinayət işi açılıb.
Qeyd edək ki, mütəxəssislər, parking vəziyyətində olan avtomobilin içərisindəki temperaturun, havadakı temperaturdan iki dəfə çox olduğunu bildiriblər. Sözügedən vaxtda isə havanın temperaturu 30 dərəcə olub.
