Sudandan münaqişə zonasına yardım aparan hərbi təyyarə qəzaya uğrayıb.
Bizimyol.info xəbər verir ki, ölkənin Qərbi Darfur əyalətində “An-12” təyyarəsinin yerə çırpılması nəticəsində ekipaj üzvləri də daxil olmaqla 18 nəfər həlak olub. Həyatını itirənlər arasında 4 uşağın olduğu da xbər verilir. Həmçinin qəzada ölənlərdən 3-ü hakim, 4-ü isə mülki məmurlardır. Onların arasında Dünya Ərzaq Təşkilatının nümayəndəsi də var. 7 nəfər ekipaj üzvü də həyatını itirib.
Təyyarə ərəblər və qeyri-ərəblər arasında qanlı tayfa toqquşmalarının yer aldığı ərazilərə ərzaq yardımı aparırmış. Qarşıdurma zonasında toqquşmaları sakitləşdirmək üçün əraziyə əlavə hərbi qüvvələr göndərilib.
Təyyarə qəzasının səbəbləri hələlik dəqiqləşməyib, araşdırma aparılır.
