Obamanın Yaxın Şərq üzrə keçmiş köməkçisi, Beynəlxalq Böhran Qrupunun prezidenti Robert Mulli, ABŞ-ın Bağdada raket hücumu və general Süleymanini öldürməkdə İrana qarşı müharibə elan etdiyini düşünür.
Bizimyol.info xəbər verir ki, bu barədə RİA Novosti məlumat yayıb.
Baş vermiş hadisə barədə münasibət bildirən Robert Mulli, "əslində Amerika höküməti bununla İrana müharibə elan edib", - deyə bildirib.
Xatırladır ki, İran İslam İnqilabı Keşikçiləri Korpusunun Quds xüsusi təyinatlı qüvvələrinin rəhbəri, general Kassem Süleymani Bağdad hava limanının yaxınlığında raket zərbəsi nəticəsində öldürülüb. General təyyarədən çıxdığı anda raket zərbələri endirilib. Onun cəsədinin parçalara bölünərək ətrafa dağıldığı bildirilir. Süleymaninin cəsədi barmağındakı üzüklə müəyyən edilib. Pentaqon Bağdada hücumun Trampın əmri ilə edildiyini bildirdi. ABŞ prezidenti, hadisələrə cavab olaraq, Twitter-dəki hesabında Amerika bayrağının görüntüsünü yerləşdirib.
