Meksikalı tibb işçisi COVID-19-dan ölmədən öncə qohumları və dostları üçün təsirli video mesaj yazıb.
Həmin videonu “Daily Mail” paylaşıb.
Bildirilir ki, 28 yaşlı Sergio Humberto Padilla Hernandez Meksikanın Çihuahua şəhərindən olub.
“Nə baş verəcəyindən və Tanrının mənim üçün nə hazırladığından asılı olmayaraq, kim olduğumu xatırlamağınızı istəyirəm. Mən qayıdacağım üçün bu vida deyil. Əminəm ki, bir neçə günə qayıdacağam. Dostlarım, ailəm bir daha görüşənədək. Mən sizi sevirəm”, - deyə o bildirib.
Ertəsi gün, Hernandez ölüb.
O, şəhər xəstəxanasında dörd nəfərlik bir işçi qrupunun üzvü olaraq çalışıb.
