Liviyanın Benqazi şəhərindən 200 kilometr şimalda yük gəmisini dayandıraraq axtarış etmək istəyən Almaniya donanmasının hərbçiləri Türkiyə Dəniz Qüvvələrinin müdaxiləsi ilə ərazidən uzaqaşdırılıb.
Redaktor.az xəbər verir ki, bu barədə Almaniyanın "Der Spiegel" nəşri məlumat yayıb. Məlumata görə, Avropa Birliyi tərəfindən Liviyaya gedən gəmilərə nəzarət etmək üçün qurulan İrini əməliyyatı Türkiyənin təzyiqləri ilə üzləşib.
Almaniya donanması "Rosaline A" adlı yük gəmisini dayanmağa məcbur edib. Axtarış zamanı Türkiyə əsgərləri müdaxilə edərək axtarışa icazə verməyiblər. Nəticədə, alman dəniz qüvvələri oradan uzaqlaşmalı olub.
Türkiyə tərəfi açıqlamasında buna tam hüquqlarının olduğunu dilə gətirib.
