“Azərbaycan müharibə apara-apara Fizuliyə 20 gün sonra (17 oktyabr), Qubadlıya 27 gün sonra ( 25 oktyabr), Şuşaya isə 43 gün sonra bayrağımızı asıb. Şanlı ordumuzun bu uğurları hesabına son 20 gündə isə dinc yolla 3 rayonumuza da bayraq sancmışıq”.
Redaktor.az xəbər verir ki, bu sözləri "Qafqaz Strateji Araşdırmalar Mərkəzi”nin sədr müavini Nazim Cəfərsoy deyib. O bildirib ki, Xocalı, Xankəndi və Xocavənddə hazırkı sülh prosesinin inkişaf ilə mümkün olan ən qısa vaxtda bayraq asacağıq:
“Vaxtını mən dəqiq deyə bilmərəm, amma Xocalı, Xankəndi və Xocavənddə də hazırkı sülh prosesinin inkişaf ilə mümkün olan ən qısa vaxtda bayraq asacağıq. Bir müddət sonra qondarma rejimin bayraqları yığışdırılacaq. Sonra da Azərbaycan bayrağı asılacaq. Biz o bayrağı elə ağıllı, səviyyəli və mütərəqqi prosses ilə oralara asacağıq ki, əbədi dalğalanacaq".
