Xərçəng xəstəliyindən dünyasını dəyişən 27 yaşlı Holly Butcherin ailəsinə yazdığı məktub hər kəsi göz yaşına boğub.
fotofakt.az Türkiyə mətbuatına istinadən xəbər verir ki, o, 26 yaşında olarkən xərçəng xəstəliyinə tutulur. 26 yaşında ağır xəstəliyinə düçar olan gənc qız heç vaxt ümidini itirməyib.
Gənc qız ölmədən öncə arxada qalanlar üçün məktub yazıb.
Gənc qız məktubda bildirib ki, 26 yaşında öləcəyini bilmək çox çətindir:
"Ölüm haqqında heç kim düşünmür. Vaxt keçdikcə zaman daralır. Hər zaman üzümün qırışdığını və sevdiyim insanla ailə qurub uşaqlarımı böyüdəcəyimi düşünürdüm. Çox gözəl xəyallarım vardı. Amma bu gün o xəyalların gerçəkləşməyəcəyini bilmək çox ağırdır. Zaman çox dəyərlidir. Nəfəs aldığımız hər zaman üçün şükür etməliyik. Bu gün 27 yaşındayam və ölmək istəmirəm. Çünki yaşamağı sevirəm. Ancaq ölməmək mənim əlimdə deyil. İnsanlara əsəbiləşməməyi və problemləri görməməzlikdən gəlməyi məsləhət görürəm".
Qeyd edək ki, gənc qızın yazdığı məktub ölümündən sonra ailəsi tərəfindən tapılıb.
