Dövlət borcu və zəmanəti üzrə öhdəliklərin Təminat Fondu tərəfindən ödənilmiş vəsaitlər hər bir təşkilat üzrə qaytarılması nəzərdə tutulan vəsaitləri üzrə məlumatların təhlilindən görünür ki,
Dövlət təminatı ilə alınan borcların qaytarılması üçün 2019-2024-cü illər ərzindən dövlət büdcəsindən 2 milyard 960,8 milyon manat vəsait ayrılacaq.
Yeniavaz.com "Azərbaycan Respublikasının 2020-ci il dövlət büdcəsi haqqında" Azərbaycan Respublikasının Qanun layihəsinə Hesablama Palatasının verdiyi rəyə istinadən bildirir ki, bu il ödənişin məbləği 265,1 milyon manat olub. Gələn il bu göstəricinin 388,6 milyon manat olacağı gözlənilir. 123,5 milyon manatlıq artıma səbəb 3 dövlət müəssisəsi olub.
"Azərbaycan Hava Yolları" ASC -nin ödəməli olduğu borc 101,3 milyon manatdan 160 milyon manata, "Azərenerji" ASC-nin ödəməli olduğu borc 41,3 milyon manatdan 61,1 milyon manata, SOCAR-ın ödəməli olduğu borc isə 13,3 milypon manatdan 56,9 milyon manata qədər artacağı proqnozlaşdırılır.
Beləliklə də, əvvəlki illə müqayisədə müşahidə edilən 123,5 milyon manat məbləğində artımın 47,5%-i "Azərbaycan Hava Yolları" ASC, 35,3%-i SOCAR üzrə artımın payına düşür. "Azərenerji" ASC üzrə artımın payı isə 16% təşkil edir.
Palatadan qeyd olunub ki, dövlət müəssisələrinin borc öhdəliklərinin büdcə qarşısındakı davamlı olaraq artması büdcə strukturunun və resurslarının faydalı şəkildə istifadə edilməsinə şərait yaratmır. Hesablama Palatası növbəti il üçün bu istiqamətdə müəyyənləşdirilməiş proqnoz göstəricilərinin reallaşmayacağı qənaətindədir.
