“Bu gün Azərbaycan MDB məkanında minimum pensiya göstəricisinə görə 1-ci yerdə, minimum əməkhaqqının alıcılıq qabiliyyətinə görə 2-ci yerdədir”.
Bizimyol.info xəbər verir ki, bunu Bakıda keçirilən Strateji Prioritetləşdirmə Seminarında Əmək və əhalinin sosial müdafiəsi naziri Sahil Babayev deyib.
S.Babayev qeyd edib ki, ölkədə minimum pensiya və əməkhaqqı artırılıb, vaxtı keçən kreditlərlə bağlı müəyyən addımlar atılıb, müxtəlif növ pensiya və müavinətlərin təyinatı elektronlaşdırılıb.
“Ölkədə minimum əməkhhaqqı 92 faiz, minumum pensiya 72 faiz, bütüm müavinətlər isə 100 faiz artırılıb. Devalivasiyadan zərərçəkən borcluların vaxtı keçmiş kreditlərinin ödənilməsi ilə bağlı paket qəbul edilib”,-deyə S.Babayev bildirib.
