https://fotofakt.az/ İqtisadiyyat - Fotofakt.az[shortrss] https://fotofakt.az/iqtisadiyyat/2518-azrbaycanda-gomruk-orqanlarinin-xtti-il-budc-daxilolmalari-10-azalib.html https://fotofakt.az/iqtisadiyyat/2518-azrbaycanda-gomruk-orqanlarinin-xtti-il-budc-daxilolmalari-10-azalib.html İqtisadiyyat admin Thu, 12 Nov 2020 12:24:43 +0400 [/shortrss] [fullrss] https://fotofakt.az/iqtisadiyyat/2518-azrbaycanda-gomruk-orqanlarinin-xtti-il-budc-daxilolmalari-10-azalib.html https://fotofakt.az/iqtisadiyyat/2518-azrbaycanda-gomruk-orqanlarinin-xtti-il-budc-daxilolmalari-10-azalib.html ]]> admin Thu, 12 Nov 2020 12:24:43 +0400 [/fullrss] [yandexrss] https://fotofakt.az/iqtisadiyyat/2518-azrbaycanda-gomruk-orqanlarinin-xtti-il-budc-daxilolmalari-10-azalib.html İqtisadiyyat Thu, 12 Nov 2020 12:24:43 +0400
Bu ilin yanvar-oktyabr aylarında Dövlət Gömrük Komitəsinin (DGK) xətti ilə büdcə daxilolmaları 3 269,642 milyon manat təşkil edib.

“Report” DGK-ya istinadən xəbər verir ki, bu, ötən ilin eyni dövrü ilə müqayisədə 10,3% azdır.

Son 1 ildə gömrük rüsumları üzrə daxilolmalar 9,2% azalaraq 825,697 milyon manat, əlavə dəyər vergisi (ƏDV) üzrə daxilolmalar 7,4% azalaraq 2 298,323 milyon manat, aksizlər üzrə daxilolmalar 47% azalaraq 115,277 milyon manat, yol vergisi üzrə daxilolmalar isə 17,1% azalaraq 30,346 milyon manat olub.

[/yandexrss][shortrss] https://fotofakt.az/iqtisadiyyat/2517-opec-2021-ci-ild-neft-hasilatinda-mhdudiyytlrl-bagli-muzakir-aparir.html https://fotofakt.az/iqtisadiyyat/2517-opec-2021-ci-ild-neft-hasilatinda-mhdudiyytlrl-bagli-muzakir-aparir.html İqtisadiyyat admin Thu, 12 Nov 2020 12:23:55 +0400 [/shortrss] [fullrss] https://fotofakt.az/iqtisadiyyat/2517-opec-2021-ci-ild-neft-hasilatinda-mhdudiyytlrl-bagli-muzakir-aparir.html https://fotofakt.az/iqtisadiyyat/2517-opec-2021-ci-ild-neft-hasilatinda-mhdudiyytlrl-bagli-muzakir-aparir.html ]]> admin Thu, 12 Nov 2020 12:23:55 +0400 [/fullrss] [yandexrss] https://fotofakt.az/iqtisadiyyat/2517-opec-2021-ci-ild-neft-hasilatinda-mhdudiyytlrl-bagli-muzakir-aparir.html İqtisadiyyat Thu, 12 Nov 2020 12:23:55 +0400
OPEC+ ölkələri 2021-ci ilin bir-iki rübü üçün hesablanan neft hasilatındakı məhdudiyyətlərin yumşaldılmasının təxirə salınması fikrini müzakirə edirlər.

“Report” xəbər verir ki, bu barədə “Bloomberg” agentliyi bir sıra kartel ölkələrinin nümayəndə heyətlərindəki mənbələrə istinadən məlumat yayıb.

Məlumata görə, OPEC üzvləri hazırda neft hasilatı üzrə mövcud kvotaların gələn ilin ilk aylarında da saxlanması fikrini fəal şəkildə müzakirə edirlər. Mənbələrin bildirdiyinə görə, hasilatın daha çox azaldılması təklifi kartel üzvləri arasında hələ geniş dəstək qazanmayıb.

Xatırladaq ki, OPEC+in neft hasilatının azaldılması üzrə yenilənmiş sazişi may ayından etibarən qüvvədədir. Alyans ölkələrinin gündəlik hasilatı 9,7 milyon barel azaltdığı müqavilənin ilk mərhələsi avqustda sona çatıb. Sentyabrdan ilin sonuna qədər azalma gündəlik 7,7 milyon barel təşkil edəcək. 2021-ci il yanvarın 1-dən etibarən isə məhdudiyyətlər gündəlik 5,8 milyon barel olmalıdır.

Saziş 2022-ci ilin aprel ayına qədər qüvvədədir, şərtlər 2021-ci ilin dekabrında yenidən nəzərdən keçirilə bilər.

[/yandexrss][shortrss] https://fotofakt.az/iqtisadiyyat/2516-azrbaycanda-qeyri-neft-qaz-snayesi-11-dn-cox-artib.html https://fotofakt.az/iqtisadiyyat/2516-azrbaycanda-qeyri-neft-qaz-snayesi-11-dn-cox-artib.html İqtisadiyyat admin Thu, 12 Nov 2020 12:23:03 +0400 [/shortrss] [fullrss] https://fotofakt.az/iqtisadiyyat/2516-azrbaycanda-qeyri-neft-qaz-snayesi-11-dn-cox-artib.html https://fotofakt.az/iqtisadiyyat/2516-azrbaycanda-qeyri-neft-qaz-snayesi-11-dn-cox-artib.html ]]> admin Thu, 12 Nov 2020 12:23:03 +0400 [/fullrss] [yandexrss] https://fotofakt.az/iqtisadiyyat/2516-azrbaycanda-qeyri-neft-qaz-snayesi-11-dn-cox-artib.html İqtisadiyyat Thu, 12 Nov 2020 12:23:03 +0400
Sənaye müəssisələri və bu sahədə fəaliyyət göstərən fərdi sahibkarlar tərəfindən 2020-ci ilin yanvar-oktyabr aylarında 30,7 milyard manatlıq və ya 2019-cu ilin müvafiq dövrü ilə müqayisədə 4,5 % az sənaye məhsulu istehsal edilib.

“Rerport” bu barədə Dövlət Statistika Komitəsinə istinadən xəbər verir.

Məlumata görə, bu azalma neft-qaz sektorunda məhsul istehsalının 6,1 % azalması hesabına baş vermiş, sənayenin qeyri neft-qaz sektorunda isə məhsul istehsalı 11,5 % artıb.

Sənaye məhsulunun 60,3 %-i mədənçıxarma sektorunda, 33,6 %-i emal sektorunda, 5,2 %-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,9 %-i isə su təchizatı, tullantıların təmizlənməsi və emalı sektorunda istehsal olunub.

Mədənçıxarma sektorunda əmtəəlik neft hasilatı 7,6 % azalmış, əmtəəlik qaz hasilatı isə 7,3 % artıb.

Emal sektorunda əczaçılıq məhsullarının istehsalı 8,8 dəfə, metallurgiya sənayesi məhsullarının istehsalı 78,6 %, avtomobil, qoşqu və yarımqoşquların istehsalı 64,1 %, sair nəqliyyat vasitələrinin istehsalı 50,3 %, kompüter, elektron və optik məhsulların istehsalı 50,1 %, maşın və avadanlıqların istehsalı 41,4 %, kağız və karton istehsalı 34,2 %, geyim istehsalı 33,7 %, ağacın emalı və ağacdan məmulatların istehsalı 32,5 %, tikinti materiallarının istehsalı 26,4 %, rezin və plastik kütlə məmulatlarının istehsalı 19,1 %, tütün məmulatlarının istehsalı 18,3 %, kimya sənayesi məhsullarının istehsalı 13,2 %, poliqrafiya məhsullarının istehsalı 9,9 %, dəri və dəri məmulatlarının, ayaqqabıların istehsalı 7,9 %, toxuculuq sənayesi məhsullarının istehsalı 6,1 %, hazır metal məmulatlarının istehsalı 1,2 % artmış, qida məhsullarının istehsalı 1,3 %, neft məhsullarının istehsalı 2,2 %, elektrik avadanlıqlarının istehsalı 2,4 %, içkilərin istehsalı 9 %, mebel istehsalı 24,4 %, maşın və avadanlıqların quraşdırılması və təmiri işləri 39,9 % azalıb

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 8,5 % artmış, su təchizatı, tullantıların təmizlənməsi və emalı sektorunda isə 3,5 % azalıb.

[/yandexrss][shortrss] https://fotofakt.az/iqtisadiyyat/2513-turk-is-adamlari-azad-edilmis-torpaqlara-investisiya-yatiracaq.html https://fotofakt.az/iqtisadiyyat/2513-turk-is-adamlari-azad-edilmis-torpaqlara-investisiya-yatiracaq.html İqtisadiyyat admin Thu, 12 Nov 2020 12:17:57 +0400 [/shortrss] [fullrss] https://fotofakt.az/iqtisadiyyat/2513-turk-is-adamlari-azad-edilmis-torpaqlara-investisiya-yatiracaq.html https://fotofakt.az/iqtisadiyyat/2513-turk-is-adamlari-azad-edilmis-torpaqlara-investisiya-yatiracaq.html ]]> admin Thu, 12 Nov 2020 12:17:57 +0400 [/fullrss] [yandexrss] https://fotofakt.az/iqtisadiyyat/2513-turk-is-adamlari-azad-edilmis-torpaqlara-investisiya-yatiracaq.html İqtisadiyyat Thu, 12 Nov 2020 12:17:57 +0400
“Qarabağ Azərbaycanın təbiəti, yeraltı, yerüstü sərvətləri ilə zəngin dilbər bir guşəsidir. Uzun illər işğal altında qalan, yeraltı sərvətləri, xüsusilə qızıl yataqları ilə tanınan Kəlbəcər rayonu bu qəbildən olan ərazilərdəndir.

Bu illər ərzində həmin yataqları qanunsuz şəkildə istismar edən, talançılıqla məşğul olan əcnəbi şirkətlər əldə etdikləri haram qazancın bir hissəsini işğalçı dövlətə hədiyyə ediblər, digər hissəsini isə satıblar”.

Qafqazinfo xəbər verir ki, bunu Azərbaycan Türkiyə İş Adamları Birliyinin (ATİB) sədri Camal Yanğın ölkələrimiz arasındakı dostluq, qardaşlıq və birgə əməkdaşlıq əlaqələri haqda danışarkən deyib.
O bildirib ki, dünyanın ədalət qərarı olarsa, həmin şirkətlərin çox böyük bir təzminata məhkum edilməsi lazımdır:

“Çünki başqasının torpağından bir başqasının icazəsi ilə qızıl çıxarıblar, bu haqqı onlara heç kim verməyib. Ölkələrarası ticarətdə, dünyanın ticarət haqqında qanunlarında, BMT qərarlarında belə icazə yoxdur. Amma təəssüf ki, sıra türk dünyasına gəlincə, dünya susur”.

ATİB sədri qeyd edib ki, ilkin hesablamalara görə, işğaldan azad edilmiş torpaqların yenidən bərpasına milyardlarla vəsait xərclənməlidir:

“Bu baxımdan, biz, - qardaş ölkədə fəaliyyət göstərən iş adamları, - bütün dünya türklərini həmin ərazilərə investisiya yatırmağa, iş qurmağa çağırırıq. Amma yatırımın əvəzində pul qazanmağa deyil, oraların abadlaşdırılmasına və həmin bölgələrə köçürüləcək insanların rahat yaşamaları üçün dəstək verməyə hazır olduğumuzu bir daha söyləmək istəyirəm.

Qardaşlığımızı, dostluğumuzu bir daha bütün dünyaya göstərmək üçün bunu etməliyik. Azərbaycan iqtisadiyyatı ilk dəfə deyil ki, belə sınaq qarşısında qalır. Bu gün Azərbaycan iqtisadiyyatı güclüdür.

Hər hansı bir investisiya ilə bağlı, ticarət, ixracat əlaqələrimizdə əngəl, sıxışdırılma yoxdur. Bu dövrdə ölkədə heç bir maliyyə sıxıntısının, bank, ödəmə sahəsində problemlərin olmadığını müşahidə etdik. Mərkəzi Bankın rezervlərində minimum azalma belə görünmür. Sosial, turizm və s. sahələrdə yatırımlar davam edir”.

Mövzu ilə bağlı fikirlərini açıqlayan iqtisadçı ekspert Fikrət Yusifov qeyd edib ki, işğaldan azad olunmuş rayonlarımızın xüsusi bir iqtisadi zonaya çevrilməsi olduqca vacibdir:

“Bölgənin sürətli inkişafının təmin olunması, əsasən, oraya xarici və daxili investisiyaların cəlb edilməsindən keçəcək. Xarici investorlar sırasında türk iş adamlarının daha çox olacağı isə tam gözləniləndir.

Həmin ərazilərdə yeni müəssisələrin və ilk növbədə yerli xammal əsasında fəaliyyət göstərəcək emal müəssisələrinin qurulması imkanları kifayət qədər böyükdür. Bu bölgələrdə turizm sektoruna da investisiya yatırmaq istənilən iş adamı üçün maraqlı olacaq.

Hesab edirəm ki, Azərbaycan hökuməti xarici investisiyaların bölgəyə cəlb olunmasını stimullaşdıran xüsusi güzəşt zərfləri işləyib hazırlamalıdır”.

[/yandexrss][shortrss] https://fotofakt.az/iqtisadiyyat/2448-gurcustan-azrbaycandan-neft-idxalini-30-artirib.html https://fotofakt.az/iqtisadiyyat/2448-gurcustan-azrbaycandan-neft-idxalini-30-artirib.html İqtisadiyyat admin Thu, 29 Oct 2020 11:14:59 +0400 [/shortrss] [fullrss] https://fotofakt.az/iqtisadiyyat/2448-gurcustan-azrbaycandan-neft-idxalini-30-artirib.html https://fotofakt.az/iqtisadiyyat/2448-gurcustan-azrbaycandan-neft-idxalini-30-artirib.html ]]> admin Thu, 29 Oct 2020 11:14:59 +0400 [/fullrss] [yandexrss] https://fotofakt.az/iqtisadiyyat/2448-gurcustan-azrbaycandan-neft-idxalini-30-artirib.html İqtisadiyyat Thu, 29 Oct 2020 11:14:59 +0400
Bu ilin yanvar-sentyabr aylarında 48,6 milyon ABŞ dolları dəyərində 160,1 min ton neft və neft məhsulları idxal edib.

Bu barədə “Report”un Gürcüstan bürosuna ölkənin Milli Statistika İdarəsindən bildirilib.

Məlumata görə, bu, ötən ilin eyni dövrünə nisbətən həcm baxımından 30,3% çoxdur.

Hesabat dövründə Gürcüstan Azərbaycandan 1 154,3 milyon kubmetr təbii qaz da tədarük edib. Bu isə illik müqayisədə 4,7% azdır.

[/yandexrss][shortrss] https://fotofakt.az/iqtisadiyyat/2401-diqqt-190-manatin-yenidn-verilmsi-il-bagli-vacib-xbr.html https://fotofakt.az/iqtisadiyyat/2401-diqqt-190-manatin-yenidn-verilmsi-il-bagli-vacib-xbr.html İqtisadiyyat admin Tue, 20 Oct 2020 16:36:13 +0400 [/shortrss] [fullrss] https://fotofakt.az/iqtisadiyyat/2401-diqqt-190-manatin-yenidn-verilmsi-il-bagli-vacib-xbr.html https://fotofakt.az/iqtisadiyyat/2401-diqqt-190-manatin-yenidn-verilmsi-il-bagli-vacib-xbr.html ]]> admin Tue, 20 Oct 2020 16:36:13 +0400 [/fullrss] [yandexrss] https://fotofakt.az/iqtisadiyyat/2401-diqqt-190-manatin-yenidn-verilmsi-il-bagli-vacib-xbr.html İqtisadiyyat Tue, 20 Oct 2020 16:36:13 +0400
Bildiyimiz kimi, sərtləşdirilmiş xüsusi karantin rejimi dövründə gəlir mənbəyi olmayan əhaliyə 190 manat birdəfəlik ödəmə verilib. Hazırda artan koronavirus statistikası səbəbi ilə müəyyən olunmuş rayonlara, kəndlərə girişlər məhdudlaşdırılıb. Bu baxımdan yenidən 190 manat yardım, yaxud fərdi sahibkarlara dəstək paketi mümkündür mü?

Redaktor.az-a açıqlamasında iqtisadçı ekspert Natiq Cəfərli deyib ki, yenidən təsdiqlənən büdcə parametrlərində bu barədə müəyyən qərarlar qəbul edilib:

“Bildiyimiz kimi, avqust ayının əvvəlində büdcədə yenidən dəyişikliklər olunub. Büdcə parametrləri təsdiqləndikdən sonra bu ilin sonuna qədər iş adamlarına əlavə olaraq 99 milyon manat kompensasiya ödənilməsi nəzərdə tutulub. Lakin sosial müavinatların ödənişi ilə bağlı əlavə mənbələr hələki nəzərdə tutulmayıb. Nazirlər Kabinetinin qərarı, yaxud Prezidentin fərmanı ilə əlavə tədbirlər planı təsdiqlənə bilər. Ümumilikdə isə pandemiya ilə bağlı sosial müavinatların ödənişi aprel və may aylarında, daha sonra isə iyul ayında həyata keçirilib. Avqust ayında da əhalinin müəyyən olunmuş bir qisminə ödənişlər edilib. İndi də sərt karantin tədbirləri artıqdca Nazirlər Kabinetinin müəyyən rayon üzrə xüsusi bir qərarı və yanaşması ola bilər".

Ekspert biznes üçün ayrılmış əlavə paket haqqında da bildirib ki, ayrılmış büdcənin müəyyən istiqamətlər üzrə xərclənməsi nəzərdə tutulur:

“Biznes üçün ayrılmış əlavə yardım paketindən hansı istiqamətlərdə istifadə olunması hələ açıqlanmayıb. İlkin məlumatlar onu deməyə əsas verir ki, bu daha çox vergi güzəştləri şəklində tətbiq oluna bilər. Bu şəkildə tətbiq olunma normal haldır, lakin işləməyən obyektlərin qazancı az, yaxud yox dərəcəsindədir. Vergi güzəşti təklifi problemlərini kökündən həll etməsinə yardım etmir. Onların əsas problemləri icarə ödənişləri, xüsusi biznes üçün istifadə olunan kreditlərlə bağlıdır. Bu sahəyə xüsusi diqqət yetirilməlidir. Başa düşmək olar ki, hazırda hərbi vəziyyətdir, ordumuz cəbhədə çox böyük hünərlə döyüşür. Amma buna baxmayaraq iqtisadiyyat da yaddan çıxmamalıdır. Çünki qələbədən sonra iqtisadiyyat daha güclü olmalıdır. Qələbə çox bahalı nemət olacaq və bu qələbənin bizə verdiyi üstünlüyü həyata keçirmək üçün infrastruktur layihələrinə, böyük investisiyalara, iqtisadi gücə və potensiala malik olmaq əsasdır. İndidən bununla bağlı müəyyən addımların atılması yaxud düşünülməsi yaxşı olardı”.

[/yandexrss][shortrss] https://fotofakt.az/iqtisadiyyat/2356-muganbankin-vziyyti-mlum-oldu-hesabat.html https://fotofakt.az/iqtisadiyyat/2356-muganbankin-vziyyti-mlum-oldu-hesabat.html İqtisadiyyat admin Mon, 12 Oct 2020 11:57:51 +0400 [/shortrss] [fullrss] https://fotofakt.az/iqtisadiyyat/2356-muganbankin-vziyyti-mlum-oldu-hesabat.html https://fotofakt.az/iqtisadiyyat/2356-muganbankin-vziyyti-mlum-oldu-hesabat.html ]]> admin Mon, 12 Oct 2020 11:57:51 +0400 [/fullrss] [yandexrss] https://fotofakt.az/iqtisadiyyat/2356-muganbankin-vziyyti-mlum-oldu-hesabat.html İqtisadiyyat Mon, 12 Oct 2020 11:57:51 +0400
Azərbaycanda ən böyük filial şəbəkəsinə malik olan banklardan biri - «Muğanbank» 2020-ci ilin 3-cü rübünün nəticələrini açıqlayıb.

FED.az xəbər verir ki, yanvar-sentyabr aylarında bankın faiz gəlirləri 27 345 min manat, faiz xərcləri 19 419 min manat, xalis faiz gəliri 7 926 min manat təşkil edib.

Ötən ilin eyni dövrü ilə müqayisədə bankın faiz gəlirləri 14,7 milyon manat və ya 35% azalıb. Bankın faiz xərcləri isə 6,2 milyon manat və ya 24% azalıb. Nəticədə bankın xalis faiz gəliri də təqribən iki dəfə aşağı düşüb.

Bu dövrdə bankın qeyri-faiz gəlirləri 15 942 min manat (14% azalma), qeyri-faiz xərcləri 20 881 min manat (23,8% azalma) təşkil edib.

Əməliyyat mənfəəti 4 dəfə artıb

Nəticədə bank 2020-ci ilin 9 ayını 2 987 min manat əməliyyat mənfəəti ilə başa vurub. Qeyd edık ki, «Muğanbank» təkcə 3-cü rüb ərzində əməliyyat mənfəətini 4 qat artırıb. Belə ki, yarım ildə bankın əməliyyat mənfəəti 747 min manat olmuşdu.

Amma mümkün zərərlər üzrə yaradılan 11 241 min manat həcmində ehtiyatları da nəzərə alanda, «Muğanbank» ilin 9 ayını 8 254 min manat zərərlə başa vurub.

Xatırladaq ki, ilk yarım ilin nəticələrinə görə, bankın xalis zərəri 1 880 min manat olmuşdu. Başqa sözlə, 3-cü rübğ ərzində bankın xalis zərəri də 4 qat artıb.

Bankın aktivləri azalıb

Bu dövrdə bankın cəmi aktivləri 558 milyon 549 min manat təşkil edib ki, bu da ilin əvvəli ilə müqayisədə 15,5% azalma deməkdir. 9 ayın nəticələrinə görə, bankın nağd vəsaitləri təqribən 5 milyon manat artaraq 21 milyon manatı keçib, Banklardakı depozitləri isə 12 milyon manat azalaraq 49 milyon manata düşüb.

Xalis kreditlər artıb

2020-ci ilin 3-cü rübünün nəticələrinə görə, «Muğanbank»ın aktivlərinin 346 milyon 331 min manatı kredit portfelinin payına düşüb. Ötən ilin eyni dövrü ilə müqayisədə kredit portfeli 14 milyon manat və ya 4% azalsa da, bankın kredit portfeli «təmizlənib» və xalis kreditlərin həcmi artıb. Belə ki, ilin əvvəlində ümumi krelit portfelinin 24,4 milyon manatı ehtiyata ayrılmışdı və xalis kreditlər 336,2 milyon manat idi. İndi isə ehtiyata ayrılan məbləğ 3 dəfəyə yaxın azalaraq 9,3 milyon manata düşüb, xalis kreditlər isə 337 milyon manatı keçib.

Öhdəlikləri və kapitalı azalıb

Ölkə iqtisadiyyatı, o cümlədən bank sektoru üçün olduqca mürəkkəb keçən 2020-ci ilin ilk 9 ayının nəticələrinə görə, «Muğanbank»ın öhdəlikləri 473 milyon 375 min manat (17,5% azalma) təşkil edib.

Öhdəliklərin azalması bankdakı depozitlərin məbləğinin aşağı düşməsi ilə bağlıdır. Hazırda bankın depozit portfeli 260,2 milyon manat təşkil edir ki, bu da ilin əvvəli ilə müqayisədə 74 milyon manat və ya 22,1% aşağıdır.

Bankın cəmi kapitalı 85 milyon 174 min manat (2,1% azalıb) təşkil edir. Hazırda bankın 24,3 milyon manat bölüşdürülməmiş zərəri və 9,5 milyon manat ehtiyat ayırması var.
[/yandexrss][shortrss] https://fotofakt.az/iqtisadiyyat/2335-ermnistanda-iqtisadi-azalma-tendensiyasi-daha-da-surtlnib-deputat.html https://fotofakt.az/iqtisadiyyat/2335-ermnistanda-iqtisadi-azalma-tendensiyasi-daha-da-surtlnib-deputat.html İqtisadiyyat admin Thu, 08 Oct 2020 11:08:08 +0400 [/shortrss] [fullrss] https://fotofakt.az/iqtisadiyyat/2335-ermnistanda-iqtisadi-azalma-tendensiyasi-daha-da-surtlnib-deputat.html https://fotofakt.az/iqtisadiyyat/2335-ermnistanda-iqtisadi-azalma-tendensiyasi-daha-da-surtlnib-deputat.html ]]> admin Thu, 08 Oct 2020 11:08:08 +0400 [/fullrss] [yandexrss] https://fotofakt.az/iqtisadiyyat/2335-ermnistanda-iqtisadi-azalma-tendensiyasi-daha-da-surtlnib-deputat.html İqtisadiyyat Thu, 08 Oct 2020 11:08:08 +0400
“Fitch Ratings” beynəlxalq reytinq agentliyinin Ermənistanın kredit reytinqini aşağı salması işğalçı ölkənin iqtisadiyyatının torpaqlarımızda başlatdıqları təxtibata reaksiya kimi qiymətləndirilə bilər".

Lent.az məlumat verir ki, bu barədə deputat, iqtisadçı-alim Vüqar Bayramov bildirib. O qeyd edib ki, cəmi 2.6 milyard dollar xarici valyuta ehtiyatları olan Ermənistanda xarici borcun məbləği bundan 2 dəfə çox, 5.7 milyard dollardır:

"Müqayisə üçün qeyd edim ki, Azərbaycanın strateji valyuta ehtiyatları işğalçı ölkənin rezevlərindən 20 dəfə çoxdur. Düşmən ölkənin xarici borcu Ümumi Daxili Məhsulunun (ÜDM) yarıdan çoxunu, yəni 53.5 faizini təşkil edir. Bu Ermənistanın regionun ən çox xarici borc asılllığı olan ölkəsi olması deməkdir.

Bu ilin ilk yarısında iqtisadiyyatı 5.7% faiz azalan Ermənistanda iqtisadi azalma tendensiyası daha da sürətlənib. Bütün makroiqtisadi göstəricilərdə regionun ən zəif ölkəsi olan Ermənistan mövcud kiçik iqtisadi potensialı ilə uzun müddətli müharibə aparmaq imkanlarına malik deyil. Bu isə o deməkdir ki, şanlı ordumuz işğal altında olan torpaqlarımızı azad edəndən sonra Ermənistanda resessiya daha da güclənəcək". [/yandexrss][shortrss] https://fotofakt.az/iqtisadiyyat/2295-ag-bank-v-nbc-bankdaki-mantlr-uzr-kompensasiyalarin-hansi-bankdan-verilcyi-mlum-oldu.html https://fotofakt.az/iqtisadiyyat/2295-ag-bank-v-nbc-bankdaki-mantlr-uzr-kompensasiyalarin-hansi-bankdan-verilcyi-mlum-oldu.html İqtisadiyyat admin Fri, 05 Jun 2020 21:24:35 +0400 [/shortrss] [fullrss] https://fotofakt.az/iqtisadiyyat/2295-ag-bank-v-nbc-bankdaki-mantlr-uzr-kompensasiyalarin-hansi-bankdan-verilcyi-mlum-oldu.html https://fotofakt.az/iqtisadiyyat/2295-ag-bank-v-nbc-bankdaki-mantlr-uzr-kompensasiyalarin-hansi-bankdan-verilcyi-mlum-oldu.html ]]> admin Fri, 05 Jun 2020 21:24:35 +0400 [/fullrss] [yandexrss] https://fotofakt.az/iqtisadiyyat/2295-ag-bank-v-nbc-bankdaki-mantlr-uzr-kompensasiyalarin-hansi-bankdan-verilcyi-mlum-oldu.html İqtisadiyyat Fri, 05 Jun 2020 21:24:35 +0400
Mərkəzi Bankın İdarə Heyətinin 12 may 2020-ci il tarixli qərarı ilə “AG Bank” ASC və “NBC Bank” ASC-nin bank fəaliyyətinin aparılması üçün verilmiş lisenziyaları ləğv edilib.

Oxu.Az xəbər verir ki, “Əmanətlərin sığortalanması haqqında” qanuna uyğun olaraq “AG Bank” ASC və “NBC Bank” ASC-də sığorta hadisəsi günü 28 aprel 2020-ci il müəyyən edilib.

Əmanətlərin Sığortalanması Fondunun Himayəçilik Şurasının qərarına əsasən, “AG Bank” ASC və “NBC Bank” ASC-də qorunan əmanətlərin kompensasiyaların verilməsi üçün agent bank qismində “Azərbaycan Beynəlxalq Bankı” ASC seçilib.

“AG Bank” ASC və “NBC Bank” ASC-də qorunan əmanətlər üzrə kompensasiyalar nağdsız qaydada ödəniləcək.

Əmanətlər “Əmanətlərin tam sığortalanması haqqında” qanuna uyğun olaraq kompensasiya olunacaq.

“Azərbaycan Beynəlxalq Bankı” ASC-nin filial şəbəkəsində əmanətçilərin sıxlığının yaranmaması, kompensasiyaların sistemli şəkildə ödənilməsi və vətəndaş məmnunluğunun təmin edilməsi üçün qorunan əmanətlər üzrə kompensasiyalar iki mərhələdə qaytarılacaq:

16 iyun 2020-ci il tarixindən başlayaraq “AG Bank” ASC və “NBC Bank” ASC-də 30 min manat ekvivalentinədək (30 min manat daxil olmaqla) olan əmanətlər üzrə “Azərbaycan Beynəlxalq Bankı” ASC-nin filiallarında ərizələrin qəbulu və kompensasiyaların verilməsi;

15 iyul 2020-ci il tarixindən başlayaraq 30 min manat ekvivalentindən yuxarı olan əmanətlər üzrə “Azərbaycan Beynəlxalq Bankı” ASC-nin filiallarında ərizələrin qəbulu və kompensasiyaların verilməsi.

Əmanətçilərdən kompensasiyaların alınması üçün “Azərbaycan Beynəlxalq Bankı” ASC-nin müvafiq filiallarına müraciət edərkən kompensasiyaların ödənilməsi prosedurlarına uyğun olaraq, əmanət müqaviləsini (əlavələrlə birlikdə), əmanət kitabçasını, əmanətin sahibliyini təsdiq edən digər sənədlərin (hesabdan cıxarışların) və şəxsiyyəti təsdiq edən sənədin təqdim olunması xahiş olunur.

Qorunan əmanətçilər ərizə formalarını 16 iyun 2020-ci il tarixindən etibarən “Azərbaycan Beynəlxalq Bankı” ASC-nin müvafiq filiallarından və ƏSF-nin www.adif.az internet-saytından əldə edə bilərlər. Kompensasiyaların ödənilməsi ilə bağlı “Azərbaycan Beynəlxalq Bankı” ASC-nin müvafiq filial şəbəkəsi barədə əlavə məlumat veriləcək.

Qorunan əmanətçilər hesabdan çıxarışları 10 iyun 2020-ci il tarixindən ləğv prosesində olan “AG Bank” ASC-nin Bakı şəhərində yerləşən filialları üzrə Cəlil Məmmədquluzadə küç., 102A ünvanında yerləşən baş ofisi, digər şəhər və rayon filialları üzrə isə bankın müvafiq filiallarından, ləğv prosesində olan “NBC Bank” ASC-nin Bakı şəhərində yerləşən filialları üzrə Nərimanov rayonu, Müzəffər Nərimanov küç., məhəllə 2054 ünvanında yerləşən baş ofisindən, digər şəhər və rayon filialları üzrə isə bankın müvafiq filiallarından əldə edə bilərlər.

“Əmanətlərin sığoratalanması haqqında” qanunun 28.3-cü maddəsinə əsasən, Əmanətlərin Sığortalanması Fondu əmanətçilərin ərizələrini kompensasiya ödənişi haqqında bildirişin ilk dəfə dərc edildiyi gündən başlayaraq bir il ərzində qəbul edir.

[/yandexrss][shortrss] https://fotofakt.az/iqtisadiyyat/2285-bahali-avtomobilr-v-luks-mallar-ucun-gomruk-rusumlari-artirilacaq-nazirdn-aciqlama.html https://fotofakt.az/iqtisadiyyat/2285-bahali-avtomobilr-v-luks-mallar-ucun-gomruk-rusumlari-artirilacaq-nazirdn-aciqlama.html İqtisadiyyat admin Wed, 03 Jun 2020 16:52:24 +0400 [/shortrss] [fullrss] https://fotofakt.az/iqtisadiyyat/2285-bahali-avtomobilr-v-luks-mallar-ucun-gomruk-rusumlari-artirilacaq-nazirdn-aciqlama.html https://fotofakt.az/iqtisadiyyat/2285-bahali-avtomobilr-v-luks-mallar-ucun-gomruk-rusumlari-artirilacaq-nazirdn-aciqlama.html ]]> admin Wed, 03 Jun 2020 16:52:24 +0400 [/fullrss] [yandexrss] https://fotofakt.az/iqtisadiyyat/2285-bahali-avtomobilr-v-luks-mallar-ucun-gomruk-rusumlari-artirilacaq-nazirdn-aciqlama.html İqtisadiyyat Wed, 03 Jun 2020 16:52:24 +0400
Azərbaycana xaricdən gətirilən bahalı avtomobilər və lüks əşyalar üçün gömrük rüsumları artırılacaq.

Fotofakt.az xəbər verir ki, bu barədə "Fed.az" saytına maliyyə naziri Samir Şərifov bildirib.

Onun sözlərinə görə, bununla bağlı təkliflər artıq hazırdır və layihə hökumətdə müzakirə olunur.

"Bunlar əsasən lüks malların istifadəçilərinə, tütün, eləcə də avtomobillərin idxal edilməsinə aiddir. Söhbət minik maşınlarından gedir, onların daha yüsək aksizlər və vergilər nəzərdə tutulur ki, bunun hesabına dövlət büdcəsinə əlavə vəsaitlər daxil olsun” – deyə nazir bildirib. [/yandexrss]